貓奴尋日搬屋, 搵 o左師父幫手上 o黎搬 o野落樓。仔仔同露露見到有陌生人出出入入, 有 o的驚。入 o左貓袋帶佢 o地落樓, 點知架車未到, 等緊 o既時候可能俾 o的車聲人聲嚇親, 阿仔喵到癲 o左, 係咁撞個貓袋想出 o黎, 連最愛 o既蟹柳絲都唔食, 反而阿女就話知你, 大覺訓。
去到新屋樓 o下, 條街靜 o的, 阿仔先定 o的。入到新屋, 暫時困住仔仔同露露, 又唔係好食 o野飲水去廁所。o的 o野執好少少就緊係即刻開罐罐俾對仔女食啦。可能成日無乜點食 o野, 9秒9 火速洗碟!!! 陰公囉... 今日嚇死貓豬, 有罐罐食唔好嬲呀。
仔仔飲過水去過廁所，就好安定咁 o係個籠入面訓 o左覺。阿女就成日都唔肯去廁所，因為呢兩日都唔放心俾佢 o地通屋走, 貓奴唯有狠心 o的捉阿女入砂盤。露露, 你乖... 唔好嬲哥哥呀~~~
到 o左今朝仔仔露露都識得飲水同去廁所啦, 叻叻!!
訂閱：
文章 (Atom)
