快高長大

仔仔露露好似食o左肥仔丸咁，仔仔大隻o左好多，雖然露露無仔仔咁大隻，但係都重o左好多。緊係啦... 哥哥錫佢o地錫到燶，o個頭話佢o地唔乖唔俾佢o地食零食，呢頭又扮失憶攞o的蟹柳絲出o黎，平時貓餅消耗量又驚人，唔肥仔就假啦... 未夠一個月已經KO o左一包大o既貓糧啦。不過食得玩得訓得先好咖嘛，係咪？

月頭o既燒春雞，宜家變o左隻燒鵝啦！

大將之風

仔仔越o黎越有大將之風，尤其是o係訓覺o既時候...

你o地唔好嘈住本大爺訓覺呀o下！

我係The American's Top Model！

我跳o既《天鵝湖》好唔好睇呀？

你咪駛旨意趁我訓覺o個陣非禮我呀！

打針

尋日帶o左仔仔同露露去Dr. Betty度打針。佢o地都好乖呀，只係o係貓袋度喵o左一陣。Dr. Betty話佢o地好健康呀，各位哥哥姐姐唔駛擔心。

我同Dr. Betty講，仔仔早兩日舔自己舔到咕咕都走埋出o黎，Dr. Betty話唔駛驚，仔仔得閒攞出o黎清潔o下啫。o下！咁都得?!

偉大工程

今日我完成一大偉業，就係幫仔仔剪指甲嘞。仔仔同露露成日玩到癲哂，出哂爪唔記得收返埋，搞到我隻腳花哂。平時捉住佢o地剪指甲佢o地就反抗，所以我出絶招 -- 就係趁佢o地訓緊覺先剪，哈哈。過程都幾驚險，佢一郁我就即刻要停手，成日以為整醒o左o佢o地，點知1秒後又再訓過。

阿仔阿露...你睇你o地訓到... 你因住冷親個肚仔呀...

咪郁！舉高手扒埋牆！

我係體操王子!

朦面超人... 變...身!

我個側拱橋勁唔勁呢?

咪阻住我o地兩個訓覺呀！

最新興貓小食

仔仔同露露呢兩日有新寵小食 -- 我o地隻腳趾。佢o地係咁追住腳趾o黎咬。本來淨係露露會咬，但係宜家連仔仔都咬我o地，仲要越推開佢就越撲埋o黎追住你o黎咬。真係教壞哂。

左右門神

仔仔同露露有個好得意o既習慣，就係每當有人o係洗手間沖涼o既時候，佢o地就最鍾意坐o係門口等你出o黎，好似左右門神咁。

日日打交

仔仔同露幾乎每日都會打交，好似唔打過唔安樂咁。打到用牙咬，跌落水兜都試過。但係打完之後佢o地又會糖黏豆咁訓覺，真係服o左佢o地。但係活躍o的都好，咁先至係健健康康。

2007年7月2日 -- 去新屋企，yeah~~~

甘仔甘露：

Ray哥哥今日帶我o地去街街。

喵~~Ray哥哥你帶我o地去邊呀?? 喵~~你快o的放我o地出o黎啦喎...

呢度邊度o黎咖??好驚呀... (腳都震哂) 都係企o係廁所頂最安全...




兩三個鐘後...


甘仔甘露：

喵~~呢度好好玩喎...我跳!

喵~~新哥哥姐姐都好好人丫...

喵~~o的毛毛好好玩呀。我捉!




我o地食得訓得玩得，仲識去自己個廁所疴臭臭添。你睇o下我o地訓到...