仔仔又大個仔啦~~

o係做絕育手術o既前一日，為o左唔想仔仔露露見到陌生人而出爪整親人，於是貓奴就幫佢o地剪指甲。阿仔又好似平時咁有輕微反抗。點知... 佢竟然撞甩o左隻牙 = =" 隻牙上面仲有血咖，真係嚇死貓奴。但係阿仔就若無其事咁訓覺，仲要o係度打咕嚕 ~"~ 阿仔... 乜你唔痛咖咩...?

做手術o個朝，同 vet 講o左呢件事，佢檢查完阿仔個口，話佢有新牙仔出緊o黎。哦... 原來換牙咋... 虛驚一場。

仔仔又大個仔啦~~~