呢句說話果然無錯。點解? 解說 !!
個案一
仔仔：喵~~~
貓奴哥哥：仔仔你要咩呀?
仔仔 (望住貓奴哥哥)： 喵~~~
貓奴哥哥：仔仔你要咩你帶我去啦。
仔仔邊行邊回望貓奴哥哥, 似係要肯定哥哥有跟住佢行。卒之行到佢個廁所就停o左o係度。
哦... 原來要哥哥幫佢執屎~~~ = =”
仔仔原來係識點人做o野...
個案二
事發地點: 貓奴哥哥o既睡房
露露扭貓奴哥哥抱, 抱得佢舒服到咪哂眼之際, 露露突然掙扎跳開, 跑去姐姐個新枕頭 (註: 只係買o左一日) 踎o係度, 望一望貓奴哥哥, 跟住... 疴尿!!
貓奴哥哥o既反應: 滴汗加無奈
姐姐事後聽完事發經過後o既反應: 露露好叻喎... 識揀姐姐個枕頭, 唔o係哥哥個枕頭度疴, 緊係知哥哥係米飯班主唔得罪得嗱~~~
阿貓奴哥哥... 我早一日先同你講睇住我個新枕頭咋... ~"~
6 則留言:
2個都咁醒, haha~~~~
有咩方法可以教露露唔好o係張床度疴呢~~?
我諗係因為搬左屋佢未適應,行為係會有d異常,暫時唔好比佢地入房住,徹底d清洗佢疴過的地方物件,未有改善前,揾d膠布(如浴廉)cover住佢疴過的地方先.
如果親眼見到,即刻捉住佢去番嗰度鬧,但係唔好打,一打佢就唔知你鬧乜架.
我年中搬屋豆豆MiMi都有類似情況,唯有比d時間佢地.
我o地淨係"禁"住佢鬧咋... 之後都唔敢俾佢入房,唯有等多排睇o下有冇改善啦。
最近佢2個小朋友仲有右曳曳啊?
露露除o左o係哥哥張被度賴尿外都無咩o野。
仔仔早兩日好搞笑,哥哥朝早準備出門口返工,仔仔就跟出跟入。當哥哥去開門o既時候,仔仔竟然跳上擺近門口o既砂盤頂一手"禁"住哥哥隻手唔俾佢開門,搞到哥哥想唔返工陪佢呀, 哈哈哈...
呢排比較忙,過兩日得閒o的會 update o下個 blog 咖啦。
張貼留言