放低佢兩個o係 vet 度，真係有o的心痛，要全身麻醉喎... 露露仲要俾人開肚添...
貓奴夠鐘放工就一枝箭飛去接佢o地，助護話阿仔好惡，走去 hea 人o地隻狗。o下？阿仔未試過 hea 人咖喎...
終於見到佢o地啦... 係咁o係度哀鳴，貓奴就緊係即刻飛的返屋企啦... 一放監，見到佢o地俾人剃o左毛，傷口又紅哂，真係心都實埋，又唔係好食o野同飲水，露露仲慘，戴住個花花，做乜都唔方便，仲係咁倒後行。不過好彩，vet o既手勢好好，露露o既傷口一寸都冇。呢幾日貓奴都睇實佢o地，驚阿仔太錫露露走去幫佢舔傷口。
露露試過想自己跳上床，嚇死貓奴，一見佢個勢想跳就抱佢去佢想去o既地方。露露，哥哥姐姐心血少呀，唔嚇得咖，你快o的好返就乜都得，OK?
4 則留言:
仔仔同露露大個仔大個女喇!
又有d咁錫佢地嘅貓奴真係幸福.
佢地好番未啊?
仔仔直情係龍精虎猛啦。
露露都精神,但係就好靜,可能帶o左個喇叭,望唔到周圍,所以驚撞到唔敢亂郁,成日好似燒春雞咁踎o係度。
又飲唔到水,見佢踎o係水機隔離咪諗住拆o左個喇叭俾佢飲完再幫佢戴返啦,丫... 拆o左又唔飲,古古惑惑。墊高個碟仔裝水俾佢又係唔飲,最後我o地搵隻匙羹仔餵佢,佢就乖乖o地飲水食o野啦。都知佢係嗲我o地,所以無所謂啦。
個傷口就冇乜o野,應該好快好咖啦。
佢個兄妹--甘桔甘梅都做左啦 :P
我o係 Forum 都見到呀,就係見甘桔甘梅都咁早做,所以我先放心俾佢o地咁細個就 desex 囉。哈哈...
張貼留言